Kontrata e Rezervimit

NENI 1 – REZERVIMI & DORËZIMI

Në rast rezervimi, Shitësi angazhohet të mbajë macen ose vendin në listën e pritjes për Blerësin.
Dorëzimi i maces realizohet pasi ajo:

• të ketë arritur moshën e përshtatshme
• të jetë e kontrolluar veterinarisht dhe në gjendje të mirë shëndetësore

Në rast pamundësie për dorëzim për arsye të jashtëzakonshme (komplikacione shëndetësore, force majeure), palët diskutojnë zgjidhjen më të përshtatshme me mirëkuptim (rimbursim ose transferim rezervimi).

NENI 2 – GJENDJA SHËNDETËSORE

Macja dorëzohet e kontrolluar nga veterineri dhe e pajisur me dokumentacion shëndetësor.

Shitësi informon se:

• çdo kafshë e gjallë mund të pësojë ndryshime natyrore zhvillimi
• nuk jepet garanci për rezultate ekspozitash, karakter specifik apo aftësi shumimi, përveç nëse është rënë dakord ndryshe

NENI 3 – PRONËSIA DHE PËRGJEGJËSIA

Pronësia dhe përgjegjësia për macen kalojnë te Blerësi në momentin e pagesës së plotë dhe dorëzimit fizik të saj.

Pas këtij momenti, kujdesi, mirëmbajtja dhe vendimet lidhur me macen i përkasin Blerësit.

NENI 4 – MBËSHTETJE NË RASTE PAMUNDËSIE

Palët bien dakord se blerja kryhet me qëllim mbajtjeje si kafshë shtëpiake.

Nëse, në një moment të mëvonshëm gjatë jetës së maces, Blerësi përballet me rrethana të paparashikuara që e bëjnë të vështirë mbajtjen e saj, Shitësi ofron mbështetje vullnetare dhe këshilluese, nëse kjo kërkohet nga Blerësi.

Kjo mbështetje mund të përfshijë:

• sugjerime për adoptim të përgjegjshëm
• ndërmjetësim për gjetjen e një familjeje të re
• ose, me dakordësi të ndërsjellë dhe sipas mundësive, rikthimin e maces në fermë

Ky nen ka karakter etik dhe mbështetës, pa kufizuar të drejtat e pronësisë së Blerësit.

NENI 5 – TRANSFERIMI TE PALË TË TRETA

Në rast se Blerësi mendon të transferojë macen te një person tjetër, palët sugjerojnë që Shitësi të informohet paraprakisht, për të ndihmuar në sigurimin e një zgjidhjeje të përshtatshme dhe të përgjegjshme.

NENI 6 – STERILIZIMI & SHUMIMI

Nëse macja shitet si “Pet Only”, Shitësi rekomandon sterilizimin në moshë të përshtatshme, për arsye shëndetësore dhe mirëqenieje.

NENI 7 – TRANSPORTI

Transporti i maces organizohet nga:
(Sipas Marveshjes)

Përgjegjësia për macen kalon te Blerësi në momentin e dorëzimit fizik.

NENI 8 – FORCE MAJEURE

Asnjë palë nuk mban përgjegjësi për vonesa ose pamundësi për përmbushje të kontratës për arsye jashtë kontrollit të saj.

NENI 9 – ZGJIDHJA E MOSMARRËVESHJEVE

Çdo mosmarrëveshje zgjidhet fillimisht me mirëkuptim dhe dialog, e në mungesë të tij sipas legjislacionit të Republikës së Shqipërisë.